رواية الخائن الكذّاب
الشخصيات :
يعود ابو حسام( صالح )من دوامه لتستقبله زوجته منال بشوقٍ لا مثيل له
اهلاً بزوجي حبيبي اهلاً،
اهلا ابو عيالي حبيب قلبي ، عنك انا بشيل الجاكيت ارتاح ياقلبي
عنجد انا روحك
صالح انت روحي وعمري وقلبي وكل شي بحياتي انت ابو عيالي
حبيبي
اجلس هنا احضر لك الحمام
شكرا ياغالية
خلاص اخذت دش، حبيبي هذي كاسة
عصير باردة تعدل مزاجك
الله يسعدك زوجتي منال
حبيبتي ويخليك لي
عاملة لك اليوم احلا ملوخية تاكل
اصابعك وراها
والله بتقطع من الجوع،
فين العيال
خليتهم في الغرفة عشان لا
يزعجوك بيلعبوا سوني
خليهم يجوا بنتغدى سوا
حسام احمد تعالوا
بابا بابا حبيبي بابا
كيفكم حبايبي
باب انت بخير احنا بخير
يلا بنروح نتغدى
بابا انتوا اجلسوا هنا انا
بروح المطبخ اساعد ماما
ابو حسام ايش جابك
اساعدك
تساعدني بايش انت تجلس
وبس، وكل شي بيجي الين عندك
والله دولاب المطبخ يحتاج
تغيير
حبيبي ما تغلب نفسك لما
بتكون الظروف حلوة بنغيره
اوك
يلا يا عيال الغدا
الله يا ام حسام الله ملوخية ولا
احلى الله الله تسلم يدك
على راسي ابو حسام الله يسلمك
بعد ان اكملوا تناول الغداء
قولوا الدعاء يا عيال
حاضر بابا
انا بروح انام
جهزت لك غرفة النوم
الله يسعدك
وبعد ساعتين من نوم ابو
حسام، جاء حسام الى امه قائلاٍ
ماما ماما ابوي نسي جواله
وجوله رن
فين الجوال
هنا يا ماما
ام حسام رائت الاشعارات
في الاعلى رسالة وتس اب ومكتوب( اماني )جن جنونها قالت لولدها حسام
بس الجوال مقفل برقم سري
قالها لها حسام
انا اعرف الرقم يا ماما
شفت بابا يفتح الجوال
فتحت ام حسام الجوال
ووجدت رسالة وتس اب
وحشني صوتك
قالت ام حسام : اه يا بو
حسام كذا تسوي معاي تخونني يا خاين طيب يصير خير
ابو حسام استيقظ من نومه
مستغربا لم يوقظه احد لصلاة المغرب
ليش ما صحيتيني اصلي المغرب
قلت اخليك تنام وترتاح
ماحبيت ازعجك شكلك كنت مرة تعبان مرة مرة لما جيت من الدوام يا حبيب اماني
ايش؟؟؟ ايش الكلام هذا استحي
عيب
عيب وكمان استحي ياشيخ
تحب اوريك تشوف بعيونك
فين جوالي
جوالك.... خذ هذا جوالك
واقراء ايش مكتوب وحشني صوتك
كيف فكيت الجوال
مو مهم كيف فكيت الجوال
يا خاين يا كذاب
تخونني يا ابو حسام بالله
ليه في شي ماعجبك فيني قلي
بالله قلي، قصرت معك في شي
تجي من دوامكم استقبلك
احسن استقبال
عيالك احبسهم في الغرفة
يلعبوا عشان بس تنام وتتهنى بنومك ولا يزعجوك
ماني قاعدة اطلب منك
طلبات زي فلانة وعلانة
عايشة وراضية وفي النهاية
تسوي كذا
طيب دقيقة صل على النبي
اللهم صل وسلم على نبينا
محمد، والله ما اجلس دقيقة وحدة في البيت
تعالي يا ام حسام بفهمك
شي
ولا تقول شي يا خاين يا
كذاب
اتصلت ام حسام على اخيه
عبدالله ليأتي يأخذها لبيت امها
سأل عبدالله اخته ماذا
حدث وهما في طريقهما الى المنزل
منال ايش اللى صار
ماصار شيئ
الا صار شيئ تركت البيت
والعيال معناته في شي
مافي شي قلت لك مافي شي
ضربك مد يديه والله
اكسرها له
لا ما مد يده ولا ضربني
انا رايحة اغير جوا عند امي وبس
تغيري جوا طيب اوك على كيفك
اهلا امي حبيبتي كيف حالك
الله يحفظك فين ابوي ابوي حبيبي الله يسعدكم كيف حالكم اخباركم
ايش الزيارة الحلوة دي يا
بنتي
والله يا ابوي قلت اجي
اغير عندكم جو ولا ما تبغوني
افا يا بنتي كيف ما نبغاك
صار شي بينكم يا بنتي لا سمح الله
لا يا ابوي ما في شي
اعرفك يابنتي عاقلة
ماتحبي تتكلمي عن مشاكلك عشان امك واخوانك لا يكبروها
مشكلة بسيطة يا ابوي وهتعدي.
الله يوفقكم يا بنتي
ذهبت منال الى بيت امها
غاضبةً وظل ابو حسام وابنيه في المنزل
بابا
هلا حبيبي
بابا ان جيعان
اها اوك طيب شوية بس بابا
وهنروح ناكل
اخذ ابو حسام ابنيه الى
احد المطاعم في جدة لتناول طعام العشاء،
السلام عليكم
عليكم السلام
اعطيني الله يحفظك نفرين
كباب
ابشر محلي ولا سفري
لا محلي هنا
بينما ابو حسام في المطعم
قابل احد اصدقائه القدماء
قال ابو حسام في نفسه يا
الله هذا ايش جابه الحين ايش يفكنا من لقافته
ابو حسام حبيبي كيف حالك
اخبارك
الحمد لله كيف حالك يا
خالد اخبارك زمان عنك
والله الحمد لله على كل
حال ما شاء الله عيالك الله يحفظهم
غريبة تاكل في المطعم
المتزوجين اكلهم في البيت لا يكون طلقت زي
لا ياشيخ تفاءل خير ايش
بك
ولا شكلكم متخاصمين
مافي شي بس قلت اليوم
اغير شوية انا والعيال
الله يعين
اجلس اتغدى معانا
لا انا طلبت للبيت الله
يسعدك
الله معاك
بابا ليش ماما مو معانا
شعر ابو حسام بغصة وهو
يسمع ابنه يسأله هذا السؤال
لا بابا بس راحت عند جدة
تزورها وهترجع بعد يومين
يعني بابا احنا كل يوم هناكل برا
لا يا حسام بس كذا يومين نغير طفشنا من اكل البيت
ليش ماعجبك اكل برا
الا عجبني بس ياريت ماما
كانت معانا يكون احلى
هتجي ماما يا بابا هتجي
ابو حسام له جاريعزه جدا ويعامله كاخ (محمد) وصديق دايم له استغرب محمد فقد كان يرى ابو حسام يخرج مع أبنائه
ثلاث مرات في اليوم
ابو حسام كيف حالك كيفكم
ياحلوين
الحمد لله يا محمد بخير
وصحة وعافية
اتفضل على العشاء عندي
لا عمو احنا اتعشينا برا
في المطعم
اها
طيب يا ابو حسام القهوة
عندي تردني ازعل منك يلا اتفضلوا
الله يسعدك يا محمد
يا عيال حسام احمد روحوا العبوا في الحوش مع فيصل
ايش صار يا ابو حسام انا
اخوك وانت عارف انه لك معزة عندي غير وانا شايفك لك كم يوم بتطلع ثلاث مرات انت وعيالك وما بتروح الدوام
والله ياطويل العمر انا
رايح الصباح الدوام جاني اتصال انت ابو احمد؟ قلت نعم انا ابو احمد كيفك حبيبي
اخبارك وحشتني
قلت لها مين انت وتبغي
مين؟ قالت ابغاك انت قلت لها اكيد انت غلطانة وقفلت السماعة في وجهها
وانا راجع البيت من الدوام
اتغدينا ونسيت الجوال على السفرة، وهي رسلت رسالة وتس اب وحشني صوتك
وطبعاً ام حسام لقيت
الجوال وعملتها ليلة
ضحك محمد ضحكة طويلة
وتفاجأ مما حدث
طيب يا ابو حسام ليش انت
ما شرحت لها هذا الكلام اللى صار
والله ما اعطتني فرصة
نهائياً
حصل خير يا ابو حسام انا عارفك انت رجل طيب وولد ناس وكمان ام حسام بنت ناس، طيب ما حاولت تتصل عليها
حاولت كسرت الجوال اتصالات ما
ترد
قرر محمد ان يخبر زوجته
بما حدث وان تتصل على ام حسام وتخبرها بكل ما حدث
يا ام فيصل صديقي واخوي
ابو حسام صارت بينه وبين زوجته مشكلة بسيطة بس صار سوء تفاهم وتركت البيت واولادها وراحت بيت اهلها
ايش صار بينهم
وحدة باين عليها لعابة اتصلت عليه انت ابو فلان قلها ايوة انا ابو فلان، قالت له اخبارك يا حبيبي المهم عرف انه لعب في لعب قفل في وجهها راحت
رسلت له رسالة في الوتس وحشني صوتك وام حسام لقيت الجوال وشافت الرسالة وعملت
هوليلة وهو مسكين ما عمل شي
انت متأكد
الله يهديك ابو حسام اطيب
انسان ورجل خلوق ومصلي ومحترم
بس انتوا الرجال عيونكم
طويلة
ههههههههههههه يا بنت
الحلال اقلك ارتاحي بس وسيبك الكلام الفاضي
وايش بك زعلت اديني جوالك
شكلك انت في وحدة تقلك يا حبيبي
والله في
ايش ؟؟؟؟؟؟؟ايش قلت
في وحدة تقلي يا حبيبي
اتكلم مين مين
انت ههههههههههههه
انا جيتك بنحل مشكلة
الرجال تفتحي مشكلة جديدة
اتصلت ام فيصل على ام
حسام من اجل ان تصلح بينهم
الوو ام حسام كيف حالك
الحمد لله مين ام فيصل
اخبارك كيفك وحشتينا الله يسعدك
والله الحمد لله احنا
بخير وصحة وعافية
كنت بكلمك في موضوع ابو
حسام انت عارفة انه انسان محترم وطيب وبن حلال
انت ايش عرفك بالموضوع
ابو حسام موجود دحين
عندنا انت عارف ابو فيصل صديقه القديم وزي اخوه تماماً
الخائن الكذاب عارفة ايش
سوى
انا اقلك ايش سوى
انا ما ابغاه ولا ابغى اشوفه
دقيقة يا بنت الحلال
خليني اتكلم واسمعي مني
الموضوع كله على بعضه ما
يستاهل
ايش تقولي ما يستاهل لما
يكلم وحدة ثانية وترسله وحشني صوتك هذا ايش معناته وتقولي ما يستاهل ايش الكلام
هذا يا ام فيصل لو كنتي مكاني هتقولي ما يستاهل
مو كذا يا بنت الحلال انا
افهمك الموضوع بس اعطيني فرصة
اي فرصة اي كلام ايش افهم
انا شايفة بعيوني وحشني صوتك معناته في بينهم اتصالات قبل كذا
طيب بس اسمعي ممكن تسمعي
اسكتي وخليني اتكلم ممكن لو سمحتي
طيب اسمعك
زوجك ماله ذنب
ماله ذنب طيب وبعدين ماله
ذنب ها
قلت لك اسمعي وبس لين
اغلق بعدين اتكلمي
زوجك ماله ذنب وحدة اتصلت
عليه شكلها بنت لعابة وانت عارفة يا كثرهم، انت ابو احمد قلها انا ابو احمد قالت له هلا حبيبي
كيفك اخبارك قلها انت شكلك غلطانة وقفل في وجهها هذا وهو رايح الدوام وهو جاي رسلت
له الرسالة التي شفتيها هذي كل الحكاية وبس
ما اظن قاعدين تغطوا عليه
وحشني صوتك معناته ايش؟؟ انت شايفتني غبية ولا غبية ما افهم
يا ام حسام انتوا الحريم
كذا الغيرة عندكم مرة زايدة بشكل جنوني
احنا الحريم امال انت
رجال يعني ههههههههههههههه
طيب ليش ما فهمني كذا
انت اصلا اعطيتيه فرصة ولا
تردي على جواله
ما ني مقتنعة ابدا
يا ام حسام انت تعرفي ابو
فيصل ما يجامل والغلطان يقله في وجه انت غلطان ابو فيصل شاف الرسائل كلها وشاف وقت
المكالمة
اتعوذي من الشيطان وارجعي
بيتك زوجك له اسبوع اجازة من الدوام وكل شوي وهو في مطعم هو والعيال فكي جوالك
ونخليه يتصل عليك واتصالحوا وارجعي لبيتك وعيالك وراح يوريك الرسائل كلها والموضوع
كله ما يستاهل
ما ادري ايش اقلك
ايش ما ادري ايش اقلك
ارجعي بيتك وبس لا تكون كلمتي اهلك عن الموضوع
ليه انا مجنونة كفاية
اختي مرام اتطلقت بسببهم كبروا الموضوع وهو ولا شي
ايوة حلو تعجبيني
ايش رائيك تتغدي عندنا
لا ياشيخة ما يحتاج
والله انك هتتغدي عندي
تعالي استناك عشان كمان نكسب اجر الاصلاح بينكم يلا البسي وتعالي
طيب
ها يا ام فيصل
خلاص فهمتها كل شي
وعزمتها على الغداء عندنا
بارك الله فيك يا ام فيصل
انت عارفة انه اجر عظيم الاصلاح بين المتخاصمين
الله يوفقنا لكل خير
رجع ابو فيصل الى ابو حسام وهو ينتظر على احر من الجمر
ايوة يا ابو حسام ابدا مو
راضية تقول انت حق حريم وتبغى الطلاق
يا شيخ الطلاق عشان ايش
انت عارف انت طلعت واحد
لاعب وتعرف اماني وما خفي كان اعظم
اقلك صل على النبي ايشبك
ايش الكلام هذا ها الغلط مو منك مني انا اللى جيت عندك
روح يا شيخ يا يايا
نسونجي سلم لي على اماني بس
شوف لي طريق يلا ياعيال
ابو حسام فين رايح الغداء
أي غداء
اها شكلك رايح تجيب اماني
عشان تتغدى معانا
اقلك كفاية احسلك
خلاص يا شيخ اجلس انا كنت
امزح معاك
تمزح زي كذا يا ابو فيصل
قلنا نغير الجو شوية
اعرف تحب شيئ اسمه تريقة
خلاص ام حسام جاية هنا
عزمناها على الغذاء وان شاء الله هترجعوا البيت سوا
الله يسعدكم يا ابو فيصل
احنا اخوان والموضوع كله
من الشيطان صوت الباب شكلها وصلت يا ام فيصل الباب
اهلا اهلا بالغالية اهلا
الله يحيك يا ام فيصل
والله ثقلني عليكم
لا والله عادي حرام عليك
يا ام حسام يوم الهنا لما نشوفك
ما ان وصلت (منال) ام حسام
الى منزل ام فيصل بدا الشيطان يوسوس لها
اقلك يا ام فيصل انا
صراحة بتغدى بس عشان عزمتيني وراح امشي يجي ياخذني من بيتنا يعني انا اللى اجي لين
عنده هو اللى غلطان مو انا
اقلك اعقلي لا تخلي
الشيطان يضحك عليك وانت عارفة اهلك ممكن يكبروا المشكلة ايش الكلام الفاضي هذا
حطي انت نفسك مكاني انت
تروح لزوجك لين حده
ام حسام انت عارفة انه
زوجك طيب ومحترم وماله في الشغلات هذي مين راح مين جاء
لا راح اتغدى وامشي
انت حرة
بس صدقيني راح تغيري مسار
الموضوع واحنا ما اتفقنا كذا اتغدي وبعدين نتفاهم
سمع ابوفيصل صوتهما فجاء
ليعرف ماذا يحدث
ايش في يا ام فيصل تبغى
تتغدى وتمشي
كيف تتغدى وتمشي ليه
يقلك كيف هي تجي لين حده
المفروض هو اللى يروح لبيتهم يصالحها
خلينا نتغدى وبعدين
نتفاهم
سمع ابو حسام الحديث اللى
دار بينهم
ايش في يا ابو فيصل
ما في شي يلا الغداء تفضل
الحمد لله الذى اطعمني
هذا ورزقنيه من غير حول مني ولا قوة
ما شاء الله عليك يا ابو
حسام محافظ على الدعاء هذا من ايام شبابك
وعلمت اولاد كمان خلاص
هنمشي يا ابو فيصل
اوك دقيقة بس
ذهب ابو فيصل الى ام فيصل
لتقنع ام حسام بان تعود لبيتها
ام حسام خلاص ارجعي مع
زوجك
قلت لك يجي ياخذني من
بيتي
ام حسام انت عاقلة و عارفة انه اخوانك وخواتك راح يكبروا الموضوع وانت عارفة انه اختك اطلقت عشان شي
تافه جدا وانت ماشاء الله من حرصك اصلا ما قلت لهم عن المشكلة وانا بيتي زي بيتك
وانت عارفة معزتك عندنا وكلنا اهل لا تخلي الشيطان يدخل بينكم ويكبر الموضوع
فكرت ام حسام لبرهة
طيب خلاص راح ارجع
فرحت ام فيصل فرحة كبيرة
خلاص يا ابو فيصل يلا
يبغوا يمشوا
الحمد لله الحمد لله
خرج ابو حسام وابنائه
وركبا السيارة ثم تبعتهم ام حسام فخرج ابو فيصل
ابو حسام دقيقة بس
هلا حبيبي
قرب اذنك
قربت ها
سلم لي على اماني ترى صوتك
وحشها
هههههههههههههههههههههههههه
اقلك خلي اليوم يعدي على خير
فرح الابناء بعودة امهم
اهلا يا ا مي نورت السيارة
وباقي البيت راح تنوريه
اهلا يا ام حسام والله
وحشتينا اسبوع كانه سنة
ياشيخ
والله لك وحشة وبمناسبة
الحدث هذا اليوم راح اغديكم في احسن مطعم في جدة
بابا احنا شبعانين لسى اتغدينا
ام حسام ههههههههه ايش بك
نسيت
اوه صح خلاص راح نخليها
عشاء
.وعادت ام حسام لبيتها وابنائها وزوجها وكانت فرحةً عظيمة بالنسبة للابناء بعودة امهم
- بعض المشاكل الزوجية يكون حلها ابسط ما يمكن لكن الغرور والكبرياء وعدم تنازل احدهم عن جزء بسيط من حقه يكون نهاية هذا الزواج الطلاق
- تدخل اطراف اخرى في المشكلة بين الزوجين قد يعقدها جدا
- عدم مناقشة المشاكل الزوجية امام الابناء
- اخذ المشورة من الناس العقلاء
إرسال تعليق